Sistema bat osatzen duten partikulen askatasun-graduak mugatzen dituzten faktoreetako bakoitza. Loturek partikulen elkarrekiko higidura-aukerak murrizten dituzte. Esaterako, hagaxka zurrun batez lotutako bi partikularen artean hagaxkaren luzera adinako distantzia dago, ezin dira elkarrekiko ez urrundu ez hurreratu.

• eu lotura
• en constraint
• es ligadura

• Lagrangeren ekuazioak, koordenatu orokortuak

Kanpoko indarrek material baten barnean azalera-unitateko eragiten duten erreakzio-indarra. Indarrek solidoari eragiten diotenaren arabera, trakzio-, konpresio-, flexio-, bihurdura- eta zizailadura-esfortzuak definitzen dira.

• sinb. σ
• eu esfortzu, tentsio, esfortzu unitario, tentsio unitario
• en stress, unit stress
• es tensión, esfuerzo, esfuerzo unitario

Arroka baten azalera-unitateko gainazalean aritzen den modulu bereko eta kontrako noranzkoko indar-parea. Beste era batera esanda, material bat deformatzera daraman indar-multzoa. Esfortzuaren unitatea (SI) Pascala (Pa) (1 Pa = 1 Nm^-2) da. Esfortzuak bektoreen propietateak dituenez, gainazal batean aritzen den edozein motatako indarra esfortzu normalean (s) (gainazalarekiko perpendikularra) eta zizailazko esfortzuan (t) (gainazalarekiko paraleloa) deskonposa daiteke.

• eu esfortzu
• en stress
• es esfuerzo