Eremu elektriko bateko bi punturen artean karga elektrikoaren unitate positiboa garraiatzeko egin behar den lana. Zirkuitu elektriko batean, bi punturen potentzial elektrikoen arteko kendura da. Potentzial-diferentzia magnitude absolutua da.

• eu tentsio, potentzial-diferentzia
• en voltage, potential difference
• fr tension, différence de potentiel, tension électrique

• potentzial

Gorputz bat luzatzen diharduten kanpoko indarrei kontrajartzen zaizkien indar elastikoen batura den indarra.

• eu tentsio
• en tension
• fr tension

Kanpoko indarrek material baten barnean azalera-unitateko eragiten duten erreakzio-indarra. Indarrek solidoari eragiten diotenaren arabera, trakzio-, konpresio-, flexio-, bihurdura- eta zizailadura-esfortzuak definitzen dira.

• sinb. σ
• eu esfortzu, tentsio, esfortzu unitario, tentsio unitario
• en stress, unit stress
• fr effort, contrainte

Odolak arteria-pareten kontra egiten duen presioa. Presio horretan eragina dute ezker-bentrikuluaren uzkurtzeak, arteriolen eta kapilarren erresistentziak, arteria-pareten elastikotasunak eta odolaren biskositateak eta bolumenak.

• eu tentsio, arteria-presio, presio arterial
• en tension, blood pressure, arterial pressure, arterial tension, arterial blood pressure
• fr tension, tension artérielle, presion artérielle