Astronomian erabiltzen den koordenatu-sistema horizontalaren koordenatuetako bat. Horizontearen planoak eta behatzailetik astroraino doan lerroak osatzen duten angelua da. 0° eta 90° bitartekoa izan daiteke; positiboa, horizontearen gainetik dauden astroentzat, eta negatiboa azpitik daudenentzat.
Soinu-uhinaren maiztasunarekin zuzenean lotutako ezaugarria. Uhinaren maiztasuna handitu ahala, soinua behe-erregistrotik goi-erregistrora igotzen da.
Puntu batetik erreferentzia-maila jakin batera dagoen goitik beherako distantzia (erreferentzia Lurra denean, altitude erabiltzen da).
Irudi eta objektu geometrikoetan, zuzena edo zuzenkia (eta haren neurria), irudiaren bi elementu (triangeluaren erpin bat eta alde bat; paralelogramoaren bi alde eta abar) erlazionatzen dituena eta gutxienez elementu horietako batekiko perpendikularra dena (elementu horri oinarri deritzo), edo, bestela, zehazteko erabiltzen den plano edo zuzen batekiko perpendikularra dena.