Petroliotik lortzen den hidrokarburo-nahaste likidoa. Sukoia da, eta erregai gisa erabiltzen da. Petrolio gordinaren destilazio zatikatuaren bidez (25-150 °C bitartean gutxi gorabehera), destilazio horren frakzio astunen cracking-ez eta hidrokarburo arinetatik abiaturik sintetizatuz lor daiteke. Txinparta bidezko piztea duten barne-errekuntzako motorretan erabiltzen da erregaitzat. Gasolinaren berotze-ahalmena 45 MJ/kg ingurukoa du.