capacité

1. Fis.
sin. capacitance

Gorputz batzuek karga elektrikoa metatzeko duten propietatea. Potentzial-diferentzia jakin baterako metatutako karga elektrikoaren neurria da. Hala, elementu batek metatzen duen Q karga elektrikoaren eta elementu horri ezarritako U potentzial-diferentziaren arteko erlazioa da C kapazitantzia:
C = Q / U
SI sisteman, faradetan (F) neurtzen da. Zirkuitu elektrikoetan karga elektrikoa metatzeko erabiltzen diren elementuei kondentsadore deritze.

2. Fis.

Pila edo metagailu elektriko batek deskargatzean ematen duen elektrizitate-kantitatea, gehienetan ampere-ordutan neurtua.

3. Inform.

Memoria batek edo memoriako bloke batek eduki dezakeen karaktere-, hitz- edo bestelako unitate-kopuru handiena. Normalean, kilobytetan edo megabytetan neurtzen da.

4. Teknol. Elektr.

Zentral elektriko, sorgailu, transformadore, linea edo bestelako sistema batek eman dezakeen gehienezko karga (erregimen iraunkorrean eta funtzionamendu-kondizio jakinetan).