Hodi-formako zenbait egituraren izena. Luzera desberdinekoak izan daitezke. Materia organikoa isurtzeko balio dute edo odol-hodi eta nerbioentzako pasaguneak dira.

Tutu-itxurako igarobidea, barnetik hutsa eta nahiko estua; handik igarotzen dira odol-hodiak eta nerbioak, iraizketa-gaiak, jariakinak eta abar. Esaterako, hodi deferente, behazun-hodiak, hodi zistiko.

Aintzirak, ibaiak edo itsasoak lotzen dituen ubide artifiziala, garraiobide gisa erabili ohi dena. Adibidez, Panamako kanala.

Ura leku batetik bestera eramateko bide artifiziala, ibaiak, aintzirak edota itsasoak lotzeko eraikia, batzuetan nabigagarria. Ubide gehienek emari txikia dute, eta komunitate biologikoa ibaietakoa baino txiroagoa da.

Komunikazio-sistema batean, maiztasun-banda bat osatzen duten maiztasun-tarteetako bakoitza. Esate baterako, irrati- edo telebista-emanaldi jakin bat egiten den maiztasun-tartea.

Sare informatiko bateko osagaien artean edo horien eta kanpoko beste osagai batzuen artean datuak trukatzea ahalbidetzen duen noranzko bakarreko bidea.