Erreferentziatzat edo eredutzat erabiltzen den dokumentua edo forma, antzeko ezaugarriak dituzten objektu berriak sortzeko erabiltzen dena. Esaterako, testu-prozesadoreetan, aurrez prestaturiko dokumentu-eredua da, egitura edo ezaugarri berberak dituzten dokumentu berriak sortzeko erabilia.
Orri elektronikoak lantzeko programetan, pantailan aurkezten den eredua, operadoreari datuak eta emaitzak egoki tratatzeko bidea ematen diona.
Marrazkilariek zirkulu-arkuak ez diren kurbak egiteko erabiltzen duten tresna. Kurba tresnaren ertzari jarraituz marrazten da.
Material zurrunez egindako forma jakineko pieza edo xafla, forma bereko piezak egiteko eredu gisa erabiltzen dena edo piezaren parametroren bat (zabalera, luzera, angelua...) egiaztatzeko balio duena.