Zirkunferentzia batek haren plano berean dagoen zuzen baten inguruan (zuzenak ez duelarik zirkunferentzia ukitzen edo ebakitzen) bira egitean sortzen duen gainazala; delako gainazalak mugatzen duen gorputza (pneumatiko baten aire-ganberaren forma du). Zirkunferentziaren erradioa r izanik eta R haren zentrotik zuzenerainoko distantzia izanik, toruaren azalera 4π²rR da, eta bolumena 2π²r²R.