Atomoaren erdiko gunea, karga elektriko positiboa eta atomoaren masaren zati handiena duena. Protoiez eta, hidrogeno-isotopo bakunenean izan ezik, neutroiez osatua dago. Nukleoa osatzen duten partikulak elkarrekintza bortitzaren ondorioz daude elkarri atxikirik. Nukleoaren osagaiak banantzeko behar den energiari lotura-energia deritzo. Nukleoaren egitura aldatzen den prozesuari erreakzio nuklear deritzo. Nukleoak batu eta handiago bat eratzen denean, fusio-erreakzioa da. Bitan zatitzen denean, fisioa. Erradiazioa igorri eta nukleo txikiagoa eratzen denean, desintegrazio erradioaktiboa.

Lurraren erdiko aldea, mantuaren azpikoa eta 2.900 km-ko sakoneratik behera hedatzen dena.

Sistema eragilearen edo programa baten zati nagusia, denbora guztian memoria nagusian dagoena eta ordenagailuak ongi funtziona dezan ezinbestekoak diren atazak exekutatzen dituena.

Aplikazioez mintzatuz, A eta B egituren arteko ƒ homomorfismo bat emanik, iruditzat 0 (elementu neutroa) duten A multzoaren elementuek osatzen duten multzoa; Ker(ƒ) idazten da.

Ozeanoko geruza baten propietateek (tenperatura, gazitasuna, dentsitatea...) muturreko balioak hartzen dituzten eremua.