Zenbaki erreal batek zeinua kontuan hartu gabe duen balioa. Adibidez, +3 eta −3 zenbaki errealen balio absolutua 3 da. a bada zenbaki erreala, haren balio absolutua |a| idazten da, eta |a| = a da a ≥ 0 baldin bada, eta |a| = −a da a < 0 baldin bada. Lehen kasuan, zenbaki erreala positiboa edo zero da (esaterako, +3), eta balio absolutua zenbakia bera da (3); bigarren kasuan, zenbaki erreala negatiboa denean (esaterako, −3), balioa absolutua zenbaki errealaren alderantzizkoa da (−a, hau da, 3).

Zenbaki konplexu bat adierazteko erabilitako bektorearen luzera adierazten duen magnitudea. Adibidez, a + ib zenbakiaren modulua hau da: $\sqrt{(a^2+b^2)}$. Zenbaki konplexua r(cos θ + i sin θ) forman jartzen bada, modulua r izango da. a + ib zenbaki konplexu baten modulua honela idazten da: |a + ib|. Adibidez, |5 + i12| hau izango da: $\sqrt{(5^2+{\text{12}}^2)}=\text{13}$.

Bektore baten luzeraren balio absolutua.

Engranajeetan, jatorrizko zirkunferentziaren diametroaren eta hortz-kopuruaren arteko zatidura.