ZT Hiztegi Berria

maximo

Funtzio baten balioak handitzeari utzi eta txikiagotzen hasten den puntua, non tangentea horizontala baita eta deribatuak zero balioa hartzen baitu (funtzioaren balio handiena denean, maximo absolutu deritzo; bestela, maximo erlatibo).

Multzo baten elementurik handiena. A multzo baten elementurik handiena max A idazten da. Multzo baten maximoa ez da beti existitzen; adibidez, [0,1] tarte itxiaren maximoa 1 da, baina zenbaki erreal negatiboen multzoaren maximoa ez da existitzen.