Substantzia bat egoera likidotik gas-egoerara iragatea. Prozesu horretan substantziak lurruntze-bero sorra xurgatzen du. Likidoaren gainazalean gerta daiteke (lurruntzea deritzo, besterik gabe) edo likidoaren masa osoan gerta daiteke (irakitea).
Likido bat gas-egoerara irakin gabe iragatea. Lurrun-presio partziala asetasunari dagokion lurrun-presioa baino txikiagoa denean gertatzen da, likidoaren gainazaleko molekula batzuek gas-egoerara iragateko behar adinako energia zinetikoa dutelako. Ondorioz, likidoaren molekulen batez besteko energia zinetikoa txikiagotu egiten da, eta likidoa hoztu egiten da.