loto
- 1. Bot.
Landare belarkara eta urtarra, azpialdean oso nerbiazio nabaria eta peziolo luze eta mehea dituzten hosto biribil eta lauak, lore handi eta zuriak, eta fruitu globular jangarriak dituena.
- 2. Bot.
- sin. loto-lore
Loto-landarearen lorea, antzinatik erlijio-sinbolo izan dena.
- 3. Bot.
Nymphaeaceae familiako landare urtarra, Afrikako ekialdean eta Asiako hego-ekialdean hazten dena. Gauean loratzen delako eta goizean lorea ixten duelako da bereizgarria. Uretan flotatzen duten hostoak ditu.