Burdinazko tresna, gehienetan triangelu-formakoa, xafla lodi batez osatua, azpialdea leun-leuna duena eta gainaldean helduleku bat duena eskuz heltzeko, berotuta arroparen gainean pasarazten dena lisatzeko. Gaur egungo lisaburdinek erresistentzia elektriko bat dute burdina berotzeko, eta termostato batez hornituta daude, lisaburdinaren tenperatura ehun-motaren arabera doitzeko. Ura sartzeko ontzi txiki bat ere izaten dute, berotutakoan ura lurrundu eta burdinan egindako zulo batzuetan barrena azpialdetik kanporatzeko, arropa hobeto lisatzearren.