Arroka magmatiko efusiboa. Urtuta dagoen (T = 700-1.200 °C) eta oraindik elementu lurrunkorretan aberatsa den arroka; aho jaurtitzailetik jariatzen eta azaletik isurtzen diren korronte eta koladak osatzen dituzten jario likido edo likatsuak. Laben ezaugarriak faktore askoren mende daude: topografia, airepeko edo urpeko kokagunea, aurrerapen-abiadura, likatasuna (jaurtipen-tenperatura, osaeraren eta gas-kantitatearen araberakoa), hozte-abiadura (solidotzea, osaera kimikoaren arabera, 600-900 °C bitartean gertatzen da).