P puntu finko batetik, beste kurba batetik eta k distantzia konstante batetik eratorritako kurba laua. Konkoideak baldintza hau betetzen du: P puntutik igarotzen den zuzen batek kurba ebakitzen duen puntua Q bada, RQ = QR' = k betetzen duten zuzeneko R eta R' puntuak konkoidearen puntuak dira; baldintza hori P puntutik igarotzen den edozein zuzeni eskatzen zaio. Konkoidea sortzeko erabiltzen den kurba zuzen bat (x = a) denean, Nikomedesen konkoidea dugu; konkoide horrek asintota bera (x = a) duten bi adar ditu eta bere ekuazioa koordenatu kartesiarretan hau da: (x − a)² (x² + y²) = k²x², P jatorria bada; eta koordenatu polarretan beste hau da: r = a sec θ ± k. Gainera, a < k bada, adar batek begizta bat izango du, eta, a = k bada, goierpin bat.