Pieza baten ertzetako baten marra paraleloak egiteko eta paralelotasuna egiaztatzeko tresna, metalurgian eta zurgintzan erabilia. Euskarri bat du, zutabe bertikal bati eusten diona. Zutabe horretan gora eta behera lerratzen den irristailu bat du, marratzeko punta batez hornitua. Euskarriaren eta marratzeko puntaren arteko distantzia erregulatu ondoren euskarria piezaren ertzean bermatu eta ertzean zehar mugiaraztean, marratzeko puntak ertzarekiko marra paraleloa marrazten du.