Deformazioaren ondorioz arrokan sortzen diren egitura planarren multzoa. Arroka deformatuetan mineralen zapalketa-planoa da. Mota hauek daude: arbel-klibajea, haustura-klibajea, krenulazio-klibajea, disoluzio-klibajea, eskistositatea eta gneisen banda-egitura (edo tektonikoa). Klibaje terminoaren barruan hainbat jatorritako egiturak sartzen dira, guztiak ere maila baxuko gradu metamorfikoan eratuak. Gradu altuagoko mailetan, eskistositatea eta gneisen banda-egitura aurkitzen dira. Arroka batek orientazio askotako foliazio-mota bat baino gehiago izan ditzake batera.