Bere ebakidura lau guztiak zirkunferentziak dituen gainazal edo solido itxia. Halaber defini daiteke esfera honela: zentro izeneko puntu finko baterainoko distantzia berdina duten espazioko puntuen leku geometrikoa; diametro izeneko segmentu baten inguruan biraka dabilen zirkunferentzierdi batek sortutako azal itxia, edota elipsoidearen kasu partikularra da, non a = b = c baita. Hauek ditu ekuazioak:
Kartesiarra: $(x-a{)}^2+(y-b{)}^2+(z-c{)}^2=r^2$
parametrikoak: $x=a+\rho \text{cos }\theta \text{sin }\varphi$, $y=b+\rho \text{sin }\theta \text{sin }\Phi$, $y=c+\rho \text{cos }\Phi$; $\theta \in [\mathrm{0,2}\pi )$ eta $\Phi \in [\mathrm{0,}\pi ]$ izanik.
Zentroaren eta esferako edozein punturen arteko distantzia erradioa da eta r luzerakoa da. Zentrotik igarotzen den zuzenak esfera ebakitzen duen puntuen arteko segmentua diametroa da eta 2r luzera du. Esferaren diametro guztiak dira simetria-ardatzak.
Zenbait ezaugarri:
Zentroa: (a, b, c)
Gainazal esferikoaren azalera: 4πr²
Esferaren bolumena: $\frac{4}{3}{\pi r}^3$.