Gramineoen familiako landare belarkara eta urterokoa. Zurtoina tentea eta lodia, eta hostoak handiak eta lantza-formakoak dira. Lore arrak muturreko panikuluetan eta emeak galtzarbeko buruxkatan bilduta egoten dira. Buruxka artaburua da, eta braktea handi batzuez inguratuta egoten da. Estigmek brakteetatik kanpo irten eta arto-bizarrak eratzen dituzte.