Kalkulu aritmetikoak egiten laguntzen duen instrumentua. Paraleloan jarrita dauden hainbat hagatako bihiak eskuz mugitzean datza. Instrumentuaren jatorria babiloniarra ei da, eta, gaur egun, hsuan-pan txinatarra eta soroban japoniarra dira ohikoenak. Bietan, haga bertikalak bi multzotan banatuta daude. Txinatarrak bi bihi ditu haga bakoitzaren goialdean eta bost behealdean; japoniarrak berriz, bat eta lau.