Erpinetik igarotzen ez den eta sortzailearen paraleloa den plano batek kono zirkular baten azal bat ebakitzean sortutako kurba; hortaz, hiperbola koniko irekia da. Halaber defini daiteke parabola honela: foku izeneko puntu finko baterainoko distantzia eta zuzentzaile izeneko zuzen finko baterainoko distantzia berdinak dituzten planoko puntuen leku geometrikoa. Hauek ditu ekuazioak:
Kartesiarra: $y={ax}^2+bx+c$
Kanonikoa: $y^2=2px$, p > 0 izanik.
Parametrikoak: $x=\frac{p}{2}{t}^2$, $y=pt$; $t\in R$ izanik.
Polarra: $\rho =\frac{\mathrm{2<mi>p</mi>}\text{cos }\theta }{{\text{sin }}^2\theta }$; $\theta \in \left[\frac{-\pi }{2},\frac{\pi }{2}\right]$ eta $\theta \ne 0$ izanik.
Fokuaren eta zuzentzailearen arteko p distantziari parabolaren parametro deitzen zaio. Fokutik igarotzen den zuzentzailearekiko perpendikularra parabolaren foku-ardatza da. Foku-ardatza parabolaren simetria-ardatz bakarra da. Foku-ardatzak parabola ebakitzen duen puntua parabolaren erpina da. Zenbait ezaugarri:
Fokua: F = (p/2, 0)
Zuzentzailea: $x=\frac{-p}{2}$
Erpina: (0,0)
Eszentrikotasuna: e = 1.