Sistema ortorronbikoan kristaltzen diren nesosilikatoen taldea. Tenperatura altuetan, silize gutxiko magma ferromagnesikoen kristaltzearen ondorioz eratutako mineralak dira. Olibino gehienak hiru osagaiz eratutako sistema kimikoaren bitartez adieraz daitezke: Mg₂SiO₄ (forsterita, Fo) − Fe₂SiO₄ (fayalita, Fa) − Ca₂SiO₄. Segida arruntena Mg₂SiO₄ (forsterita) − Fe₂SiO₄ (fayalita) da. Olibino kaltziodunak arraroak dira, eta CaMgSiO₄ (monticellita) − CaFeSiO₄ (kirschteinita) segida osatzen dute.