Itsasoa ikertzen duen zientzia. Lurraren zientzien adarretako bat da. Aztergai asko hartzen ditu bere barnean; beraz, jakintza-arlo askoren bilgune da: itsasoen banaketa horizontala eta bertikala, itsas lasterrak, itsasoko uraren ezaugarriak, itsas hondoaren geologia, bertako bizia eta ekosistemak... Ozeanografiaren atal nagusiak hauek dira: ozeanografia fisikoa, ozeanografia kimikoa, itsas geologia eta itsas biologia.