Arrunki animalia deritzen izaki bizidunez esaten da. Beren zelulak espezializatuta daude, eta ehunak osatzen dituzte. Ehunen aktibitatea koordinatuta dago organismoaren funtzio guztiak gara daitezen. Protozoo, belaki eta mesozooak izan ezik beste animalia guztiak biltzen dituen Metazoa suberreinua osatzen dute.
Enbrioietatik abiatuta garaturiko bizidun plurizelular holozoikoak; gametoak ez dira inoiz egitura unizelularretan sortzen, organo sexual plurizelularretan baizik. Ehun eta organoetan antolaturik egoteagatik bereizten da metazooen egitura; beraz, ez lirateke plurizelular terminoaz izendatu behar, plurizelularitatetik haranzkoak baitira. Animalia erreinuko suberreinu kategoria taxonomikoa duen Metazoa taldean bildu dira; bertan, animalia guztiak daude protozooak salbu; belaki eta mesozooen esleipena eztabaidagarria da.