Ziperazeoen familiako landare belarkara, bizikorra eta errizomaduna, ebakidura triangeluarreko zurtoina duena. Haltzadi eta ibaiertzetan hazten da, eta arrunta da isurialde atlantikoan.

Ur geza geldietan hazten den landare belarkara. Zinta-formako hosto luze eta tenteak ditu, eta zurtoin luze eta zilindrikoetan ekoizten ditu haziak. Lore emeek ez dute brakteatxorik. Lore emeak (behean) eta arrak (goian) gehienetan elkarren alboan izaten dira. Lezkadi, putzu, aintzira eta ibaietako ur geldien ertzetan bizi dira. Euskal Herriko ia lurralde osoan ageri da, baina Typha latifolia baino banaketa irregularragoa du, apur bat termofiloagoa da, gainak saihesten ditu eta ur azalagoetan ere moldatzen da. Ipar hemisferioko eskualde epeletan ageri da.

Ur geza geldietan hazten den landare belarkara. Zinta-formako hosto luze eta tenteak ditu, eta zurtoin luze eta zilindrikoetan ekoizten ditu haziak. Lore emeek brakteatxoak dituzte; lore emeak (behean) eta arrak (goian) gehienetan bananduta egoten dira. Hostoek belarritxo ongi garatuak dituzte. Putzuetan, ibaien ertzetan eta maiz istiltzen diren beste ingurunetan bizi da, Euskal Herriko lurralde osoan. Ipar hemisferioko eskualde epeletan bizi da; Typha angustifolia baino iparralderago ere ageri da.