Magnitude baten (kontzentrazio, tenperatura, presio eta abarren) gradienteak eraginda, gas, likido zein solidoen partikulak (atomoak, molekulak, ioiak, zatiki esekiak...) berez higitzea. Barreiaduraren eragilea partikulen ausazko higidura da, bero-energiarekin lotuta dagoena. Disoluzio eta nahasteetan, partikulak kontzentrazio handiko gunetik txikikora higitzen dira, kontzentrazioa berdindu arte.

Argi-izpiak leuna ez den azal batean islatzean edo ingurune zeharrargia zeharkatzean norabide askotan desbideratzea, osagai kolorebakarretan banandu gabe.

Substantzia bat gorputzean barreiatzea.