Matrize karratu bati esleitzen zaion zenbakizko balioa; A matrize karratua emanik, det A edo | A | adierazten da. Matrizearen zutabe edo errenkaden kopurua determinantearen ordena da. Determinantea kalkulatzeko batuketa bat egin behar da honela: batugai bakoitzean zutabeen eta errenkaden osagai bana hartu eta biderkatu behar dira; biderkadura bakoitzari zeinu bat, + edo −, egokitzen zaio kontuan hartzen diren osagaien arabera; horrela osatutako biderkadura horiek dira batu behar direnak determinantea lortzeko. Determinantea n ordenakoa bada, batuketan n! batugai egongo dira.
Bi ordenako determinantea: $\mid \begin{array}{cc}{a}_{\text{11}}& a_{\text{12}}\\ a_{\text{21}}& a_{\text{22}}\end{array}\mid =a_{\text{11}}{a}_{\text{22}}-a_{\text{12}}{a}_{\text{21}}$
Hiru ordenako determinantea: $\mid \begin{array}{ccc}{a}_{\text{11}}& a_{\text{12}}& a_{\text{13}}\\ a_{\text{21}}& a_{\text{22}}& a_{\text{23}}\\ a_{\text{31}}& a_{\text{32}}& a_{\text{33}}\end{array}\mid =a_{\text{11}}{a}_{\text{22}}{a}_{\text{33}}+a_{\text{12}}{a}_{\text{23}}{a}_{\text{31}}+a_{\text{13}}{a}_{\text{21}}{a}_{\text{32}}-a_{\text{11}}{a}_{\text{23}}{a}_{\text{32}}-a_{\text{12}}{a}_{\text{21}}{a}_{\text{33}}-a_{\text{13}}{a}_{\text{22}}{a}_{\text{31}}$.