Hierarkia-sistema baten irudikapenean, maila gorena. Adibidez, erro-direktorioa, hau da, direktorio nagusia, beste baten azpidirektorioa ez dena.

Erroketaren emaitza; alegia, zenbaki erreal edo konplexu bati buruz (errokizuna), zenbaki hori lortzeko bere buruaz n aldiz biderkatu behar den beste zenbaki erreal edo konplexua. Adibidez, 2 zenbakia 16 zenbakiaren laugarren erroa da, zeren 2⁴ = 16.

Funtzio bati buruz, haren balioa anulatzen duten x-ren balioetako bakoitza. Aljebraren oinarrizko teoremak dioenez, n mailako polinomioek n erro dituzte, eta beteko da ezen (x-r₁)(x-r₂)...(x-r_n) = 0. Erro bakunak edo anizkoitzak izan daitezke, zenbat aldiz diren erro.