mole

1. Kim.

Materia-kantitatearen SI sistemako unitatea, 0,012 kg karbono-12an dauden atomo adina oinarrizko unitate dituen sistemaren substantzia-kantitatearen baliokidea. SI sistemako oinarrizko unitateetako bat da. Konposatu baten mol baten masa konposatu horren pisu molekularraren baliokidea da, gramotan adierazia. Kimikaren oinarrizko legeak aurkitu ondoren, konposatu kimikoen edo elementu kimikoen kantitateak zehazteko hainbat izen erabili ziren. 1960an fisikariak eta kimikariak ados jarri ziren nazioartean, eta definizio bat eta unitate bat adostu zituzten materia-kantitate izeneko magnituderako. 1971n, fisikari eta kimikarien nazioarteko erakundeen eta ISO erakundearen proposamena onartu egin zuen Pisu eta Neurrien 14. Konferentzia Nagusiak. Horrela jaio zen mol unitatea. Mola erabiltzen denean, oinarrizko entitateak adierazi egin behar dira: atomoak, molekulak, ioiak, elektroiak, bestelako partikulak edo horrelako partikulen talde bereziak izan daitezke.

2. Med.
sin. ephelis, freckle, beauty spot, lentigo

Larruazaleko orban pigmentudun txiki, biribil eta laua, kolorez horixka edo marroixka dena. Normalean, nahiko ugariak izan ohi dira eta zenbait kasutan ilea ere izaten dute.

3. Med.

Karenako biloen endekapena. Kiste hidatidikoen itxura duten besikula bihurtzen da.

4. Zool.

Talpidoen familiako Talpa generoko ugaztun intsektiboroen izen arrunta. Oso ile ugari eta beltza, eta industeko erabiltzen dituzten azkazal handiz hornitutako esku handiak dituzte. Ez dute belarririk eta begiak endekatuta daude. Lur azpian egiten dituzten zuloetan bizi dira eta zizarez eta animalia txikiz elikatzen dira. Antz handiko bi espezie daude: sator arrunta (T. europaea) ugariena dena, eta hau baino txikiagoa den sator itsua (T. occidentalis).