Funtzioetan, aldagai bateko funtzio baten aldagai askeak puntu batera hurbildu ahala mendeko aldagaiak jotzen duen balioa; hala, x aldagaiak a-ra jotzen duenean, funtzioaren limitea l da baldin eta funtzioaren balioak l limitetik nahi bezain gertu badaude, a puntutik gertu dauden x-ren balio guztietarako. Hitzezko esaldi horri adierazpen matematiko hau dagokio: $\forall \epsilon >0$ $\exists \delta >0$ / $0<\mid x-a\mid <\delta \Rightarrow \mid f(x)-l\mid <\epsilon$. Adibidez, x aldagaia x=2 puntura hurbildu ahala,f(x) = 3x² − 1 funtzioa 11 baliora hurbiltzen da. Esaten da f(x) funtzioak 11rantz jotzen duela x 2rantz doanean, eta honela idazten da: $\underset{x\to 2}{\text{lim}}{\mathrm{3<mi>x</mi>}}^2-1=\text{11}$. Gerta daiteke x ∞-rantz hurbiltzea edota l limitea ∞ izatea.
Segidetan, n handitu ahala segidak jotzen duen balioa da limitea; hala, $\{a_n\}$ segidaren limitea l da segidaren gai batetik aurrera segidaren gai guztiak l-tik nahi bezain gertu badaude; eta honela idazten da: $\underset{n\to \infty }{\text{lim}}{a}_n=l$; eta horri dagokion adierazpen matematikoa hau da: $\forall \epsilon >0$ $\exists n_0(\epsilon )\in N$ / $\forall n\ge n_0(\epsilon )$ $\mid a_n-l\mid <\epsilon$. Adibidez, $a_n=\frac{n^2-1}{{\mathrm{2<mi>n</mi>}}^2+2}$ bada, $\underset{n\to \infty }{\text{lim}}{a}_n=\frac{1}{2}$ da.
Bi kasuetan, limitearen ikurra lim da.