Grabitatearen eraginez, lurra edota harriak maldan behera higitzea. Eskuarki, lurrak ur asko hartu duenean gertatzen da, lurzoruaren zizaila-planoan zeharreko marruskadura txikiagotu egiten delako; baina materialak zerbaiten eraginez haustean edo trinkotasuna galtzean ere gerta daiteke. Eragileak naturalak izan daitezke (euriteak, elurra urtzea, lurrikarak...), baina baita gizakiaren jarduera ere (landaredia kentzea, lur-mugimenduen ondoriozko erliebe-aldaketak...). Gaineko geruza bat azpiko beste baten gainean labaintzen da, maldaren oinetan bloke-metaketa bat sortuz.