Laridoen familiako zenbait itsas hegaztiren izen arrunta. Kaioen antzekoak dira eta hego luze eta sendoak, hanka luzeak, oin palmatuak eta moko sendoa dituzte. Lumajea grisa eta zuria da batez ere. Animalia txikiz elikatzen dira, bai eta hainbat hondakin organikoz ere.
Laridoen familiako Larus generoko zenbait hegaztiren izen arrunta. Hego luze eta sendoak, oin palmatuak, hanka luzexkak eta moko kurbatu samarra dute. Sabelaldea eta burua zuriak dira eta hegoen gainak grisak (gutxi-asko ilunak) edota beltzak. gaztetan arreak dira, eta lau bat urteren buruan erdiesten dute beren heldu-lumajea. Animalia txiki, hondakin organiko eta abarrez elikatzen dira.