GSM motako telefonia zelularreko sare baten erabiltzaileak darabilen ekipamendua, enpresa ustiatzaileak eskaintzen dituen telekomunikazio-zerbitzuak erabiltzeko aukera ematen diona. GSM sistema batean, estazio mugikorrak oinarrizko bi elementu ditu: batetik, komunikazioa ezarri eta kudeatzeko erabiltzen den softwarea duen igorgailu-hargailua eta, bestetik, harpidedunaren identifikazio-txartela (SIM), harpidedunaren ezaugarriak eta eskura ditzakeen zerbitzuen zerrenda dituena.