Hortzen profila zirkulu-bilkarien forman landuta dauzkan engranajea. Gaur egun, halakoak dira engranaje gehienak. Engranajean, bi bilkari-hortzen arteko ukipena plano berean gertatzen da beti, eta ukipen-azalerak kontaktu-planoarekiko perpendikularrak dira beti; ondorioz, ukipen-indar nagusiak planoarekiko paraleloak dira eta momentua konstantea da. Hala, bibrazioak eta zarata eragiten duten momentu- eta abiadura-aldaketak minimoak dira.