Atomoaren elektroi-egituran, elektroiaren momentu angeluarra adierazten duen zenbakia. Honako balioak har ditzake: l = (n-1), (n-2)... 1, 0 (non n zenbaki kuantiko nagusia den). Horren arabera, K geruzan (n = 1) elektroien momentu angeluarrak balio bakarra har dezake (0); L geruzan (n = 2), 0 eta 1 balioak; M geruzan (n = 3), 0, 1 eta 2 balioak. l-ren balioen araberako elektroiek azpigeruzak osatzen dituzten geruza berean; azpigeruzak honela izendatzen dira: s (l = 0), p (l = 1), d (l = 2), f (l = 3)...