Banako batzuek egoera subjektibo bat edo batzuk partekatzea. Terminoaren esanahia ez da guztiz zehatza eta adiera bat baino gehiago eman ohi zaio. Oro har, zientzian intersubjektibotasuna aipatu ohi da objektibitate/subjektibitate oposizioaren testuinguruan, hain zuzen ere, ezagutza erabat objektiboa erdiesteko mugez eta esperientzia subjektibo hutsak zientzia-ezagutzarako duen baliorik ezaz mintzatzen denean. Intersubjektibotasuna adostasun-bide bat litzateke, informazio-, esperientzia- eta argudio-trukearen bidezko interakzioan erdiesten dena.