Fisikaren legeak erreferentzia-sistema inertzial guztietan berberak direla dioen erlatibitate-printzipioa. Galileo Galileik eman zuen, 1632an. Adibide modura, itsasontzi baten mastatik erortzen ari den harria jarri zuen, zeina mastaren oinera erortzen den, itsasontzia geldi egon zein abiadura uniformez ibili. Horregatik, esaterako, inguruarekiko higidura zuzen uniformez higitzen ari den itsasontzi edo hegazkin batean den behatzaile batek ezin du jakin, kanpora begiratu gabe, ontzia higitzen ari den ala ez, ontziaren barnean gertatzen diren fenomenoak ontzia geldi balego bezala behatzen baititu.