Kromodinamika kuantikoak aurresandako materiaren egoera. Tenperatura eta dentsitatea behar bezain handiak direnean, quarkak ez leudeke hadroietan konfinatuta, hadroiek bere izaera galduko lukete, eta quarkek eta gluoiek egituratu gabeko partikula-multzoa osatuko lukete. Plasma mota hau eratzeko, autore batzuek 2 × 10¹² kelvineko tenperaturak aipatu izan dituzte. Uste da Big Bangaren hasierako denbora-tarte labur batez existituko zela beharbada. Zenbait saiakuntza egin dira partikula-azeleragailuetan sortzeko.