Objektu masibo batek, beste objektu batek igorritako argia bere ingurutik igarotzean, argiaren ibilbidean eragiten duen desbideratze- eta fokuratze-efektua. Erlatibitate orokorraren araberako fenomenoa da. Efektu horren ondorioz, grabitazio-leiarrak urrun dauden objektuen irudiak handitu ditzakete, horietan distortsioak sortu, eta astro bakar baten irudi anizkoitzen arteko atzerapenak eragin ere bai. Horiek horrela, grabitazio-leiarrak 'naturaren teleskopiotzat' erabiltzen dira urrun dauden astroak errazago aurkitzeko. Horrelako astroak leiarra bera aztertzeko ere erabili daitezke. Esaterako, galaxien eta galaxia-multzoen materia ilunaren kantitatea eta sakabanaketa aztertzen ari da gaur egun. Kosmologiaren parametroak ere (Hubbleren konstantea barne) neur daitezke urrun dauden astroak aldakorrak baldin badira (adibidez, quasarrak badira).