Ekuazio polinomial batean, erroen zenbait propietateri buruzko informazioa ematen duen zenbakia. Diskriminatzailea ekuazioaren koefizienteetatik lor daiteke, kasuan kasu dagokion prozedura aplikatuta. Esaterako, koefiziente errealak dituen ax² + bx + c ekuazio karratuaren diskriminatzailea hau da: ∆ = b² − 4ac. Diskriminatzailea zero bada, erroak errealak eta berdinak dira, alegia, erroa bikoitza da; ∆ positiboa bada, erroak errealak eta desberdinak dira; eta ∆ negatiboa bada, erroak irudikariak dira.
Erroak ezagututa, diskriminatzailearen balioa lortzen da erro-bikote guztien arteko diferentziak berretu eta biderkatuta. Adibidez, ekuazio batek hiru erro baditu, r₁, r₂ eta r₃, diskriminatzailea hau da: (r₁ − r₂)² (r₂ − r₃)² (r₃ − r₁)².