Ekuazio linealetako sistema bat determinanteak erabiliz ebazteko metodoa. Metodo hau aplikatzeko bi baldintza bete behar dira: sistema karratua izatea, hau da, ekuazioen eta aldagaien kopurua berdina izatea, eta koefizienteen matrizea alderantzikagarria izatea.
Ax = B bada sistema, non det A ≠ 0 baita, eta A eta B matrizeak honela adierazten baditugu zutabeen bidez: A = [a₁ a₂... a_n] eta B = [b]; Cramerren erregelak dio soluzioak honela lor daitezkeela: x_i = | a₁ a₂... a_i−1 b a_i+1... a_n | / det A, non | a₁ a₂... a_i−1 b a_i+1... a_n | A matrizearen a_i zutabearen ordez b zutabea idatziz lortzen den matrizearen determinantea baita.