Tantalozko anodoa duen kondentsadore elektrolitikoa. Elektrolito solidoa du, eta dielektrikoa tantalo oxidozko (Ta₂O₅) geruza fin bat da. Aluminioaren aldean, tantalo oxidoak permitibitate handiagoa du (karga elektriko handia metatu dezake bere masarekiko), eta, horri esker, kapazitate berarekin, aluminiozko kondentsadoreak baino nabarmen txikiagoak dira; oso fidagarriak eta trinkoak dira, eta −55 °C eta +125 °C bitartean erabil daitezke. Behe-maiztasuneko iragazkietan, elikatze-iturrietan eta tenporizazio-zirkuituetan erabiltzen dira, besteak beste.