alantoide
- 1. Biol.
Amniotoen enbrioien garapenean, atzeko hestean sortzen den mintz edo dibertikulu bentrala. Enbrioiaz kanpo garatzen da, zaku itxura du eta enbrioiaren elikaduran, arnasketan eta iraizpenean parte hartzen du, nagusiki, dituen odol hodien bidez. Amniosa eta korionarekin batera, lehorrean ugaltzea ahalbidetu zien ornodunei, inguru akuoso isolatua sortu baitzuen enbrioiarentzat.