Materiak tenperaturaren eraginez, hau da, atomo eta molekulen agitazio termikoaren eraginez igortzen duen erradiazio elektromagnetikoa. Gainazal batek igortzen duen erradiazioaren energia tenperatura absolutuaren laugarren berreturarekiko proportzionala da. Zenbat eta tenperatura handiagoa, hainbat eta uhin-luzera txikiagoko (hau da, energia handiagoko) erradiazioa igortzen du. Giro-tenperaturan, erradiazio termiko gehiena izpi infragorrien eremukoa da.