etxeko ur bero
- 1. Teknol.
Etxean erabiltzeko berotutako ura. Kontzeptu honek berokuntza ez den helburu guztietarako kontsumitzen den ur beroa hartzen du barnean. Etxean ur beroa izateko, era askotako instalazioak ezar daitezke: bakunak (etxeko ura berotzea beste helbururik ez dutenak; adibidez, ohiko ur-berogailua edo termo elektrikoa); ur beroaren beharrak eta berokuntza-beharrak sistema bakar baten bidez asetzen dituztenak (esaterako, ura bi helburuotarako berotzen duen galdara-sistema edo eguzki-instalazio termikoa); etab. Bero-iturria ere askotarikoa izan daiteke, eta, horren arabera, askotariko instalazioak daude: erregai fosilak erabiltzen dituzten ur-berogailu eta galdarak, berogailu elektrikoak, bero-ponpak, eguzki-sistema termikoak, energia geotermikoaz baliatzen direnak, etab.
Etxeko berokuntza-sistemako ur beroa ez da definizio honetan sartzen.