ibilgailu alternatibo
- 1. Autom.
Ordezko erregaia darabilen ibilgailua. Arruntek baino kutsatzaile gutxiago aireratzen dituzte, ordezko erregaiek ohiko erregaiek (gasolinak edo gasolioak) baino konposatu bakunagoak dituztelako. Ibilgailu alternatiboek, ibilgailu elektrikoek izan ezik, barne-errekuntzako motorrak darabiltzate, automobil arruntaren gisara, eta erregai-sistema da aldatzen dena. Erregai-kopuruaren eta haien arteko konbinazioaren arabera, lau funtzionamendu-mota daude: erregai bakarra darabilena, erregai biren artean aukera egiten duena eta erregai biren nahastea darabilena (erregai-sistema bakarrarekin edo birekin).