in situ gasifikazio
- 1. Teknol.
- sin. lurpeko gasifikazio
Harrikatza lurpeko hobian bertan gasifikatzea. Harrikatza erauztea ekonomikoki errentagarri ez den hobiak (sakonera handiegian daudelako edo harrikatz gutxi dutelako) ustiatzeko bidea da. Putzu batetik oxigenoa eta ur-lurruna presio handian injektatzen dira harrikatza erretzeko, eta gertu egindako beste putzu batetik gasak erauzten dira. Berotze-ahalmen txikiko gasa lortzen da; ondoren metano edukia handitzeko tratatu egiten da, gas naturalaren antzeko ezaugarriak izan ditzan.